Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठसमाचारएनआरएनए चुनाव : लोकतान्त्रिक समूहलाई जिताउन कांग्रेसले आठ नेतालाई दियो यस्तो जिम्मेवारी

एनआरएनए चुनाव : लोकतान्त्रिक समूहलाई जिताउन कांग्रेसले आठ नेतालाई दियो यस्तो जिम्मेवारी


सत्तारुढ दल नेपाली कांग्रेसले गैरआवासीय नेपाली संघ ९एनआरएनए०को आसन्न दशौं महाधिवेशनमा लोकतान्त्रिक समूहलाई जिताउने कसरत शुरु गरेको छ। कांग्रेसले सो समूहलाई विजयी बनाउन समन्वयका लागि आठ नेतालाई जिम्मेवारी दिएको छ।

कांग्रेस केन्द्रीय कार्यालयका अनुसार विभिन्न पाँच वटा क्षेत्रमा ती नेताहरुले समन्वयकारी भूमिका निर्वाह गर्ने छन्। कांग्रेस केन्द्रीय कार्यालयका मुख्य सचिव कृष्णप्रसाद पौडेलले विदेश स्थित सबै जनसम्पर्क समितिका अध्यक्ष तथा संयोजकहरुलाई नेताहरुको नामावलीसहितको सूचीसहित पत्राचार गरेका छन्।

जनसम्पर्क समितिहरुलाई पठाइएको पत्र अनुसार यूरोप क्षेत्रमा सहमहामन्त्री डा। प्रकाशशरण महत र केन्द्रीय सदस्य गगनकुमार थापालाई जिम्मेवारी दिइएको छ।

त्यस्तै, एसिया क्षेत्रमा केन्द्रीय सदस्यद्वय अर्जुननरसिंह केसी र अर्जुन जोशी, अमेरिका क्षेत्रमा केन्द्रीय सदस्य डा। मिनेन्द्र रिजाल र ओसियना क्षेत्रमा केन्द्रीय सदस्य सुरेन्द्र पाण्डेलाई जिम्मेवारी दिइएको छ।

अफ्रिका, मध्यपूर्व क्षेत्र र जनसम्पर्क समितिमा भने पार्टी प्रवक्ता विश्वप्रकाश शर्मा र केन्द्रीय सदस्य गोविन्द भट्टराईलाई जिम्मेवारी दिइएको छ। भट्टराई कांग्रेसको जनसम्पर्क समिति विभाग प्रमुख पनि हुन्।

एनआरएनएको दशौं महाधिवेशन यही अक्टोबर २३–२५ मा हुँदै छ। महाधिवेशन अगावै सन् २०२१–२०२३ कार्यकालका लागि निर्वाचन हुने छ।

कांग्रेसले यसअघि नै संघको निर्वाचनमा कुल आचार्य नेतृत्वको लोकतन्त्रवादी समूहलाई समर्थन जनाउने निर्णय गरिसकेको छ। पार्टीका तर्फबाट आवश्यक समन्वय गर्न केन्द्रीय समितिमा रहेका नेताहरुलाई जिम्मेवारी तोकिएको पनि कांग्रेसले स्पष्ट पारेको छ।


क्याटेगोरी : समाचार


तपाईको प्रतिक्रिया दिनुहोस