Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठआर्थिकएनएलजी इन्स्योरेन्स र त्रिशिद्देश्वरी राप्ती यातायात समितीबीच व्यवसायिक बीमा सम्झौता

एनएलजी इन्स्योरेन्स र त्रिशिद्देश्वरी राप्ती यातायात समितीबीच व्यवसायिक बीमा सम्झौता


दाङ : पछिल्लो समयमा आक्रामक निर्जीवन बीमा ब्यबसाय गर्न सफल एनएलजि इन्स्योरेन्स कम्पनी लिमिटेड र त्रिशिद्देश्वरी राप्ती यातायात सेवा प्रा.लि. बीच व्यवसायिक बीमा सेवा सम्बन्धि सम्झौता भएको छ ।

उक्त सम्झौता पत्रमा त्रिशिद्देश्वरी राप्ती यातायात समितिको तर्फबाट समितिका अध्यक्ष श्री सुरेश हमाल तथा प्रबन्ध निर्देशक श्री पुष्कर धिताल र एनएलजि इन्स्योरेन्स कम्पनीको तर्फबाट चिफ कर्पोरेट मार्केटिङ अफिसर श्री बुद्ध प्रकाश सिंह तथा शाखा प्रमुख श्री सुरेश बस्नेतले संयुक्त रूपमा हस्ताक्षर गरेका हुन् ।

सम्झौता पश्चात समितिमा भएका सम्पुर्ण सवारी साधनहरु बीमा गर्ने ग्राहकहरुले आवश्यक बीमा सम्बन्धी सम्पुर्ण सेवाहरु एनएलजि इन्स्योरेन्स कम्पनी, तुल्सीपुर शाखाबाट प्राप्त गर्न सक्नेछन् । साथै बीमा गरिएका सम्पुर्ण सवारी साधनहरुको दुर्घटना दाबी भुक्तानीलाई समयमै सरल तथा सहज तरुकाले सेटल गर्न सकिने कुरा एनएलजि इन्स्योरेन्स तुल्सीपुरका शाखा प्रमुख सुरेश बस्नेतले बताएका छन् ।

निजि क्षेत्रको निर्जीवन बीमा कम्पनी एनएलजि इन्स्योरेन्सले हाल विभिन्न किसिमका निर्जीवन बिमा योजनाहरु संचालन गर्दै आएको छ, कम्पनीका अनुसार मोटर बीमा , सम्पत्ति तथा घर बीमा, सेधमारी तथा नकवजनी, इन्जिनियरिङ बीमा, ब्यक्तिगत तथा सामुहिक दुर्घटना बीमा जस्ता बीमा योजनाहरु नेपाली बिमा बजारमा लोकप्रिय बन्दै गएको कम्पनीले जनाएको छ ।

उक्त सम्झौता कार्यक्रममा प्रा.लि.का उपाध्यक्ष श्री भीमसेन लहरे र कोषाध्यक्ष श्री मान वहादुर डाँगीको समेत उपस्थिति रहेको थियो ।


क्याटेगोरी : आर्थिक, समाचार
ट्याग : #NLG insurance



तपाईको प्रतिक्रिया दिनुहोस