बस र मोटरसाइकल ठोक्किदा भारतीय नागरिकको मृत्यु

दाङ्ग – देउखुरीमा सवारी दुर्घटना हुँदा एक जनाको ज्यान गएको छ। ज्यान जानेमा भारतको मधुवनी जिल्ला घर भएका वर्ष २० का अविनेश कुमार सिंह रहेको वडा प्रहरी कार्यालय लमहीले जनाएको छ।

बुटवल देखि दाङ्गको घोराही तर्फ जाँदै गरेको लु २ ख १४२८ नम्बरको यात्रु बस र घोराही देखि लमही तर्फ आउंदै गरेको भे ६ प् ८९३७ नम्बरको मोटरसाइकल आइतवार पौने ५ बजेको समयमा लमही नगरपालिका वडा नम्बर ६ बेल्दमारमा एक आपसमा ठोक्किदा भारतीय नागरिक सिंह गम्भीर घाइते भएका थिए।

गम्भीर घाइते भएका उनको उपचारका क्रममा ज्यान गएको प्रहरीले जनाएको छ। मोटरसाईकललाई ठक्कर दिने बस र चालकलाई वडा प्रहरी कार्यालय लमहीले नियन्त्रणमा लिएको छ।