नेत्रसहायकहरुको पठनपाठलाई कसरी व्यवस्थित गर्ने बारे छलफल

दाङ्ग, नेपाल नेत्रज्योति सँघ दाङ र राप्ति प्राबिधिक शिक्षालय लालमटीया बिच आज बुधवार लमहीमा परार्मश बैठक सम्पन्न भएको छ ।

नेपाल नेत्रज्योति सँघ दाङ शाखाका सभापति कृष्णकुमार गिरीको अध्यक्षतामा सम्पन्न बैठकमा नेपाल नेत्रज्योति सँघ दाङ र राप्ति प्राबिधिक शिक्षालयको सहकार्यमा सचालित अप्थाल्मिक साईन्स नेत्रसहायकहरुको पठनपाठलाई कसरी थप ब्यबस्थित र मर्या्दित बनाउनुका साथै दिर्घकालिन रुपमा निरन्तरता दिन के गर्न सकिन्छ भन्ने बिषयमा छलफल भएको थियो ।

कार्यक्रममा राप्ति प्राबिधिक शिक्षालय र नेपाल नेत्रज्योति सँघका पदाधिकारी तथा प्रशासकहरुद्धारा अन्तर जिल्लाका अस्पतालहरुमा केहि समय अघि गरिएको अबलोकन भ्रमणको उपलब्धिबारे छलफल भएको थियो । भ्रमणको उपलब्धिबारे बरिष्ठ प्रशासकिय अधिकृत शम्सेर थापाले जानकारी गराए ।

सो अबसरमा राप्ति प्राबिधिक शिक्षालयका प्रमुख मोतिलाल चौधरीले नेपाल नेत्रज्योति सँघ र राप्ति प्राबिधिक शिक्षालयको सहकार्यतालाई थप प्रभाबकारी बनाई अघि बढ्न जरुरी रहेको बताए ।

बैठकमा चिफ मेडिकल डाईरेक्टर सुलक्ष्मी कटुवाल, नेपाल नेत्रज्योति सँघ प्रदेश पाँचका कोषाध्यक्ष लिला शाह, सल्लाहकार उमाकान्त पन्त, जिल्ला उपसभापति रशेम बहादुर खड्का , सहकोषाध्यक्ष घनश्याम सुबेदी, नेपाल नेत्रज्योति सँघका सचिब सुरेन्द्र खड्का सुचना अधिकारी बालाराम खड्का सहित अस्पतालका अन्य पदाधिकारीहरुको पनि सहभागिता रहेको थियो ।

सम्बन्धित समाचार

लुम्बिनी प्रदेश सरकार र विपक्षीहरूको ध्यान सर्वोच्च अदालततिर

लुम्बिनी प्रदेश सरकारले ल्यायो ४० अर्ब ९५ करोडको बजेट

अक्सिजन अभावपछि फेसवुकमा माननीय खोजिदै

शंकर पोखरेलको नियति : भुईँको टिप्न खोज्दा पोल्टाको गुम्यो !