Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रदेश खबरप्रदेश ५सुबिधा सम्पन्न डायलाइसिस सेन्टरको निर्माण कार्य अन्तिम चरणमा

सुबिधा सम्पन्न डायलाइसिस सेन्टरको निर्माण कार्य अन्तिम चरणमा


दाङ्ग, करिब पांच करोडको लागतमा लमहीमा अत्याधुनिक सेवा सहितको सामुदायिक डायलाइसिस सेन्टरको निर्माणकार्य अन्तिम चरणमा पुगेको छ । डायलाइसिस सेन्टर संचालनमा आएपछि बिरामीलाई उपचारका लागि जिल्ला बाहिर जानु पर्ने बाध्यता हट्ने छ ।

बिरामीहरुले सेन्टरबाट भाईरल टेस्ट बाहेक निशुल्क उपचार पाउने छन् । रोटरी कल्ब अफ सेन्ट्रल र रोटरी कल्ब अफ लमहीको सहयोगमा गौतम बुद्ध सामुदायिक स्वास्थ्य सस्था बुटवलद्वारा संचालन हुने यस डायलाइसिस सेन्टरको निर्माणकार्य तीब्ररुपले अघि बढेको सस्थापक अध्यक्ष रविलाल आचार्यले बताए ।

प्रदेश नम्बर पांचका केहि जिल्लाका बिरामीलाई समेत समेट्न सक्ने गरि हामी लागिपरेका छौ अध्यक्ष आचार्यले भने । यहि माघको १० गते प्रदेश ५ का मुख्यमन्त्री शंकर पोख्रेलबाट उदघाट गरिने कार्यक्रम रहेको अध्यक्ष आचार्यले बताए । खासगरी मृगौलाका बिरामीलाई उपचारका लागि धेरै टाढा जान नपरोस भन्ने उद्धेश्यले लमहीमा यो सँस्था स्थापना भएको हो ।

एक पटकमा १० जनाको र एक दिनमा तीस जनाको सहजै उपचार गर्न सकिने छ । उक्त सेन्टरमा एक जना एमबिबिएस डाक्टर सहित पन्ध्र जना स्टाफ नर्सले सेवा दिने छन् । उसो त् दाङ्गको घोराही र तुलसीपुरमा पनि यस अघि सामुदायिक डायलाइसिस सेन्टर संचालनमा आइसकेका छन् ।

तर त्यँहा अहिले २÷२ वटा हेमो डायलाईसिस मेसिन रहेका छन् भने लमहीमा पहिलो पटकमै दश वटा मेसिन रहेका छन् । अध्यक्ष आचार्यका अनुशार माघ एघार गते देउखुरीब्यापी मुटु,किड्नी र फोक्सो सम्बन्धि निशुल्क स्वास्थ्य शिबिर समेत संचालन हुने भएको छ ।


क्याटेगोरी : स्वास्थ्य, प्रदेश ५
ट्याग : #breaking

तपाईको प्रतिक्रिया दिनुहोस