दंगाली कलाकार सागरको “शीतको पानी”

प्रिया स्मृती गजमेर पुस १०, २०७७ गते १२:४५ मा प्रकाशित

दाङ्ग – “सागर भण्डारी” तिनै व्यक्तिको नाम हो जो केहि समय यता देखि कलाकारिता क्षेत्रमा जम्दै छन । दाङ्गको उर्वरभूमिमा जन्मिएर नेपाली गित संगीतमा चर्चा कमाउन सफल भएका थुप्रै कलाकार छन ।

यहि पथलाई पछ्याउदै सागर पनि एक पछि अर्को गित स्रोता माझ लिएर आइरहेका छन । पछिल्लो समय उनले चर्चित शब्द संकलक रमेश बिजी, गायिका देबि घर्ती र राजु ढकालको स्वर रहेको “शीतको पानी” बोलको लोक तथा दोहोरी गितमा अभिनय गरेका छन ।

शुक्रबार रिलिज भएको “शीतको पानी” बोलको गीतमा सागर संगै छुल्ठिम डोल्मा गुरुङको दमदार अभिनय देख्न सकिन्छ । सानै देखि नेपाली गित संगीतमा रुचि रहेका सागरले झन्डै आधा दर्जन गीतमा अभिनय गरिसकेका छन् ।

सागर भण्डारी कलाकार मात्र नभई एक कुशल कार्यक्रम प्रस्तोता पनि हुन् । उनि दाङको रेडियो मध्यपश्चिममा एक कुशल कार्यक्रम प्रस्तोताका रुपमा चिनिन्छन । सागरले नेपालका थुप्रै हस्तीहरुको दुरुस्तै नक्कल गरेर आवाज निकाल्न पनि सक्छन र क्यारिकेचर क्षेत्रमा पनि उनको उतिक्कै झुकाव छ ।

उनि भन्छन—“रहर एकातिर भयो बाध्यता अर्को तिर”— पेसाले व्यवसायी भएपनि आफु कलाकारितामा नै खुशी भएको बताए । आफु अभिनित गितहरु स्रोताले मन पराई दिएको बताउदै आगामी दिनमा पनि स्रोताको मन जित्ने गित संगीत स्रोताको माझ लिएर आउने सागरको भनाई छ ।
उक्त गितमा चेतन गोतामेको संगीतमा रहेको गीतको भिडियो निर्देशन देबेन्द्र बब्लुले गरेका छन् ।