तरुण कप फुटसल प्रतियोगिता हुने

प्रिया स्मृती गजमेर असोज ८, २०७७ गते १९:०५ मा प्रकाशित

दाङ — दाङको तुलसीपुरमा तरुण कप फुटसल प्रतियोगिता २०७७ हुने भएको छ ।

तरुणदल तुलसीपुर उप–महानगरपालिका वडा नं ५ को आयोजनामा संचालन गरिन लागेको फुटसल प्रतियोगिता यहि असोज १५ गतेदेखि सुरु हुुनेछ ।

स्थानिय स्तरमा फुटसल खेलको पहुँच अभिवृद्धि गर्ने र आपसी भाईचारा कायम गर्ने उदेश्यका साथ आयोजना गरिएको प्रतियोगितामा ६ टिमको सहभागिता रहने भएको छ।

नेपाल तरुण दलको बार्सिक कार्यक्रम अनुसार आयोजना गरिएको प्रतियोगिताका खेलहरु बिश्वब्यापी रुपमा फैलिएको कोरोना भाईरस सुरक्षा सम्बन्धित सम्पुर्ण मापदण्ड अपनाउदै तुलसिपुर ६ मा रहेको द लेजेन्ड फुटसल ग्राउन्ड मा खेलाईने आयोजक तरुणदल तुलसीपुर उपमहानगरपालिका वडा नं ५ का अध्यक्ष सुनिलबाबु डाँगीले जानकारी दिए ।

यसैविच आयोजकले प्रतियोगिताको तयारीलाई तिव्र पारेको बताएको छ ।

क्याटेगोरी : समाचार