रुकुम घटनाको बिरुद्द दाङ्गको गढवामा बिरोध र्याली

दाङ्ग – जाजरकोट र रुकुमका दलित तथा गैर दलित युवाहरुको हत्याको बिरोधमा दाङ्गको गढवामा बिरोध प्रर्दशन भएको छ ।

जाजरकोटका दलित युवा नवराज बिश्वकर्मा र रुकुम चौरजहारीकी सुष्मा मल्लको प्रेम सम्बन्धलाई लिएर जेष्ठ दश गते सुष्माका आफन्तले नवराज सहित ६ जनालाई लखेटी लखेटी कुटपिट गरेर भेरी नदीमा फालेका थिए । ६ जना युवा मध्ये नवराज र अर्का एक युवाको शब् तत्काल प्रहरीले फेला पारेको थियो भने अन्य युवाहरुको केहि दिन पछि मात्र शब् भेटिएको थियो ।

घटनामा संलग्न दोषीलाई कडा भन्दा कडा कारवाही गर्नुपर्ने माग राख्दै दाङ्ग देउखुरीको गढवा स्थित रहेको दलित शसक्तिकरण अभियानले विरोध प्रदर्शन गरेको हो । राजनीतिक आडमा दोषी उम्कन सक्ने भन्दै राज्यलाई बेलैमा सचेत भएर घटनाको सत्य तथ्य छानबिन गरेर पिडितलाई न्याय दिनु पर्ने बताएका छन् । दलित माथि विभेद गरे कानुनतः कारबाही हुने संबिधानमा उल्लेख गरेपनि कार्यान्वयन नभएको भन्दै आक्रोश पोखेका छन् ।

गढवाको जनता माध्यामिक बिद्यालय देखि शुरु भएको र्याली गढवा गाउँपालिका कार्यालय हुँदै चोकमा फर्किएर कोण सभामा परिणत भएको थियो । सभालाई अभियानका अध्यक्ष बेगमराज गहतराज, उपाध्यक्ष जयकला बि. क., अम्मर सुनार, गेहेन्द्र दुधराज, ज्ञानबहादुर परिवार, तिलक परियार, कमला नेपाली, दुर्गा बहादुर सुनार लगायतले सम्बोधन गरेका थिए ।

अभियानले गढवा गाउँपालिकाका अध्यक्ष सहजराम यादबलाई ज्ञापन पत्रपनि बुझाएको छ ।

सम्बन्धित समाचार

बाढीपहिरोका कारण देशका प्रमुख राजमार्गहरू अवरुद्ध, रात्रिकालीन सवारीमा कडाइ

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा