गुल्मीमा थप एक जना कोरोना पुष्टिसङ्गै संक्रमितको संख्या ५ पुग्यो

दीप संञ्चार जेठ १९, २०७७ गते २०:५५ मा प्रकाशित

गुल्मी – गुल्मीमा सोमबार थप एक जना कोरोना संक्रमित फेला परेका छन् । योसहित गुल्मीमा हाल सम्म ५ जनामा कोरोना संक्रमण भेटिएको छ । ती मध्ये एक जनाको मृत्यु भएको छ भने एक जना आजै कोरोनालाई जितेर घर फर्किएका छन ।

जिल्लाको रेसु नगरापलिका वडा नम्वर १० का २६ बर्षीय पुरुष्माा कोरोना संक्रमण भएको पुष्टि भएको स्वास्थ्य कार्यालय प्रमुख डाक्टर भवानीप्रसाद शर्माले जानकारी दिए ।

सिमीचौर घर भएका ती पुरुष भारतबाट घर आई तम्घासको महेन्द्र नमुना माविको क्वारेन्टिनमा जेठ १० गते देखि बस्दै आएका थिए । उनको स्वाब संकलन जेठ १७ गते गरिएकोे र आज जेठ १९ गते उनको रिर्पोट पोजिटिभ आएको डाक्टर शर्माले बताए ।

क्याटेगोरी : समाचार
ट्याग : #breaking, #corona