प्रदेश र स्थानीय तहमा ४ खर्ब ८४ अर्ब संघीय कोषबाट जाने

काठमाडौं – संघीय कोषबाट प्रदेश र स्थानीय तहमा ४ खर्ब रुपैंया भन्दा बढी रकम हस्तान्तरण हुने भएको छ । वित्तीय समानीकरण, सशर्त अनुदान, राजशव बाँडफाँड तथा समपूरक तथा विशेष अनुदान समेत गरी प्रदेश र स्थानीय तहमा ४ खर्ब ८४ अर्ब ७४ करोड रुपैंया जाने भएको हो ।

अर्थमन्त्री युवराज खतिवडाले बजेट वक्तव्यमार्फत् वित्तीय समानीकरण अनुदान अन्तर्गत प्रदेशलाई ५५ अर्ब १९ करोड, स्थानीय तहलाई ९० अर्ब ५ करोड प्रदान गरिने बताएका छन् । । त्यस्तै, सशर्त अनुदानतर्फ प्रदेशलाई ३६ अर्ब ३५ करोड तथा स्थानीय तहलाई १ खर्ब ६१ अर्ब ०८ करोड रुपैंया दिने घोषणा गरिएको छ ।

त्यस्तै, जनसंख्या, क्षेत्रफल र मानव विकास सूचकका आधारमा राजश्व बाँडफाँडतर्फ प्रदेश तथा स्थानीय तहलाई १ खर्ब २२ अर्ब १४ करोड बाँडफाँड हुने अनुमान अर्थमन्त्रीले गरेका छन् ।

सम्बन्धित समाचार

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…

नेपाल र चीनबीच  सूचना प्रविधिको क्षेत्रमा  सहकार्य बढाउन जोड