नेपाल चेम्बर अफ कमर्सको  कतार प्रतिनिधिमा चौलागाई नियूक्त

दोहा – नेपाल चेम्बर अफ कमर्सको  कतार प्रतिनिधिमा नेपाली व्यवसायी संघ कतारका अध्यक्ष महेन्द्र चौलागाई नियुक्त भएका छन् ।

नेपाल चेम्बर अफ कमर्सका अध्यक्ष राजेशकाजी श्रेष्ठले बिहीबार चौलागाईलाई कतार प्रतिनिधिको प्रमाणपत्र (अनररी ट्रेड रिप्रिजेन्टिभ सर्टिफिकेट) हस्तान्तरण गरेका हुन् । नेपाल र कतारका व्यवसायीहरुबीच सम्बन्ध स्थापित गर्नुका साथै कतारी व्यवसायीहरुको लगानी स्वदेशमा ल्याउनका लागि चौलागाईको नियुक्तिसँगै सहज हुने अपेक्षा गरिएको चेम्बर अफ कमर्सले जनाएको छ ।

नेपाल चेम्बर अफ कमर्स समग्र नेपाली व्यवसायीहरुको साझा संस्था हो । यसले नेपाली व्यवसायी तथा व्यापार विस्तारमा सहजीकरण गर्दै आएको छ । दुई वर्ष अगाडि कतारमा व्यवसाय गरिरहेका नेपाली व्यवसायीहरु संगठित भएर नेपाली व्यवसायी संघ कतारको स्थापना गरेका थिए ।

कतारमा रहेका व्यवसायी र नेपालका व्यवसायीहरुबीच पुलको काम गर्नका लागि अव धेरै सहज हुने अध्यक्ष चौलागाईले बताए । उनले भने, ‘नेपालका व्यवसायी र कतारी व्यवसायीसँगको सम्बन्ध स्थापित गर्न अबबाटो खुलेको छ ।’

प्रमाणपत्र हस्तान्तरणमा संघका सचिव उमेश अधिकारीको पनि उपस्थिती रहेको थियो । नेपाली व्यवसायी संघले आगामी जनवरी ३१ मा पहिलो महाधिबेशन गर्दैछ ।

सम्बन्धित समाचार

प्रवासी भुजेल समाज कतारको आठाै महाधिवेशन सप्पन्न

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…