प्रहरीद्वारा बेवारिसे काठ बरामद

दाङ्ग, देउखुरीको दोलइ खोलामा माटो मुनि गाडेर लुकाई राखेको अवस्थामा प्रहरीले काठ बरामद गरेको छ । प्रहरी चौकी सिसहनियाबाट खटिएको प्रहरी टोलीले राप्ती गाउँपालिका वडा नं ८ दोलइ खोलामा माटोले पुरेर लुकाई राखेको बिभिन्न जातको ४३.९ क्यूफिट काठ बरामद गरेको हो ।

खोलामा माटोले पुरेर राखेको बेवारिसेअवस्थाको सालको काठ १५ गते राति प्रहरीले बरामद गरेको हो । प्रहरीले साल जातको ४ थान, अस्ना ३२ थान र जामुन जातको २१ थान गरि ५७ थान गोलिया बरामद गरेको हो । दोलइ खोलामा तटबन्ध गर्ने क्रममा माटोमुनी लुकाइ राखेको अवस्थामा उक्त काठ फेला परेको थियो । अहलिे उक्त काठलाई लमहीको डिभिजन वन कार्यालयमा राखिएको छ ।

वेवारिसे अवस्थाको काठलाई लिलामी प्रक्रियामा लगेर राजश्व सरकारको नाममा जम्मा हुनेगरी प्रक्रिया अघि बढाइने डिभिजिन वन कार्यालय लमहीका निमिक्त प्रमुख देवी चौधरीले जानकारी दिए ।

सम्बन्धित समाचार

बाढीपहिरोका कारण देशका प्रमुख राजमार्गहरू अवरुद्ध, रात्रिकालीन सवारीमा कडाइ

मिटरब्याजपीडित र सरकारी वार्ता टोलीबीच आजै सम्झौतापत्रमा हस्ताक्षर हुने तयारी

साउनको आगमनसँगै हरियो चुरा र पोतेले सजिए बजार, किन्नेको लाग्यो…

गृहमन्त्री गुरुङले दिए राजीनामा