रौतहटको प्रहरी चौकीमा बम बिस्फोट

काठमाण्डौ, नेपाल-भारत सीमा क्षेत्रमा पर्ने रौतहटको एक प्रहरी चौकीमा बम विष्फोट भएको छ ।

जिल्लाको इशनाथ नगरपालिकास्थित मठिया प्रहरी चौकीमा विष्फोट भएको जिल्ला प्रहरी कार्यालय रौतहटले जानकारी दिएको छ । घटनामा प्रहरी जवान रञ्जित यादव घाइते भएको जिल्ला प्रहरी कार्यालय रौतहटका प्रहरी प्रमुख एसपी भुपेन्द्र खत्रीले बताए ।

सेन्ट्री पोस्टमा बसेका यादव बम प्रहारबाट घाइते भएका हुन् । प्रहरीले बम प्रहार गर्ने भारतीय नागरिकलाई पक्राउ गरेको छ ।

रौतहटको मठिया प्रहरी चौकीमा बम प्रहार गरेको आरोपमा पक्राउ पर्नेमा भारत बिहारको ढाका भन्ने स्थानका चन्दनकुमार रहेका छन् । उनले प्रयोग गरेको बीआर०५एच६५०९ नम्बरको मोटरसाइकल पनि प्रहरीले नियन्त्रणमा लिएको रौतहट प्रहरीले जनाएको छ ।

मठिया चौकी नेपाल-भारत सीमा क्षेत्रमा पर्दछ । घटनाको क्षतिबारे जानकारी लिनका लागि प्रहरी निरीक्षक खगेन्द्र धमलाको नेतृत्वको टोली घटनास्थलतर्फ गएको प्रहरी प्रमुख एसपी खत्रीले बताए ।

सम्बन्धित समाचार

नेपाल र चीनबीच  सूचना प्रविधिको क्षेत्रमा  सहकार्य बढाउन जोड

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

नेपाली महिला समाज कतारको आयोजनामा बृहत रक्तदान कार्यक्रम हुदै

प्रवासी भुजेल समाज कतारले पहिलो पटक रक्तदान कार्यक्रमको आयोजना गर्दै