सासुको खुकुरी प्रहारबाट ज्वाई गम्भीर घाइते

प्रिया स्मृती गजमेर कात्तिक २१, २०७६ गते १५:२७ मा प्रकाशित

दाङ, दाङमा सासुको खुकुरी प्रहारबाट एक जना ज्वाई गम्भीर घाइते भएका छन् ।

दाङ्गको शान्तिनगर गाउँपालिका वडा नम्बर ३ का गणेश चन्दलाई हिजो साँझ पौने ९ बजे आफ्नै सासुले खुकुरी प्रहार गरी गम्भीर घाइते बनाएकी हुन ।

दाङ्गको नारायणपुर ससुराली गएको बेला छोरी ज्वाईको झगडा भएको र उनीहरु बीच कुटाकुट भएपछी सासुले ज्वाईलाई खुकुरी प्रहार गरेको जिल्ला प्रहरी कार्यालय दाङ्गका प्रबक्ता बिनोद बिक्रम शाहले बताए ।

घाइते चन्दको टाउकोमा चोट लागेको र उनको अवस्था चिन्ताजनक रहेको समेत प्रहरीले बताएको छ । चन्दको राप्ती स्वास्थ्य बिज्ञान प्रतिष्ठान घोराहीमा सामान्य उपचार पछि हिजो रातीनै नेपालगन्ज पठाईएको छ ।

ज्वाइमाथि खुकुरी प्रहार गर्ने सासु मधुकुमारी मल्ललाई भने वडा प्रहरी कार्यालय घोराहीले नियन्त्रणमा लिएको प्रहरीले जनाएको छ ।

क्याटेगोरी : समाचार, प्रदेश ५