बाढीपहिरोका कारण देशका प्रमुख राजमार्गहरू अवरुद्ध, रात्रिकालीन सवारीमा कडाइ

दीप संञ्चार साउन १०, २०८३ गते ११:१५ मा प्रकाशित

काठमाडौँ, साउन १० — देशभर जारी अविरल वर्षा, बाढीपहिरो र सडक कटानका कारण देशका विभिन्न प्रमुख राजमार्ग तथा सडकखण्डहरू पूर्ण रूपमा अवरुद्ध भएका छन्। बाढीको सम्भावित जोखिमलाई दृष्टिगत गर्दै केही प्रमुख मार्गहरूमा रात्रिकालीन सवारी सञ्चालनमा समेत कडाइ गरिएको प्रहरीले जनाएको छ।

नेपाल प्रहरीका अनुसार काभ्रेपलाञ्चोक र सिन्धुली जोड्ने बिपी राजमार्गको खुर्कोट–नेपालथोक–कटुन्जेबेँसी सडकखण्डमा बेलुका ६ देखि बिहान ४ बजेसम्म सबै प्रकारका सवारी साधन चलाउन रोक लगाइएको छ। त्यसैगरी कान्ति लोकपथमा पनि वर्षायामभर अर्को सूचना नभएसम्मका लागि बेलुका ५ बजेदेखि बिहान ५ बजेसम्म सवारी सञ्चालनमा प्रतिबन्ध जारी गरिएको छ।

इलाम नगरपालिका–९ राजदुवालीस्थित मेची राजमार्गमा हिलो थुप्रिएपछि उक्त सडकखण्ड पूर्ण रूपमा ठप्प बनेको छ। सिन्धुपाल्चोकको भोटेकोशी गाउँपालिका–४ जिरोकिलो र वडा नं २ कोदारीस्थित अरनिको राजमार्गमा पहिरो खसेकाले सो बाटो पनि पूर्ण रूपमा बन्द भएको छ। लामासाँघु–रामेछाप राजमार्गको केही भाग सामाकोशी खोलाले कटान गरेपछि खिम्ती ग्रामीण विद्युत् सहकारी संस्थाको कार्यालय परिसर हुँदै वैकल्पिक मार्ग सञ्चालनमा ल्याइएको छ।

पासाङ ल्हामु सडकखण्डमा पहिरो जाँदा त्रिशूली–मैलुङ–स्याफ्रुबेँसी कच्ची सडकखण्ड अबरुद्ध भएको छ भने मुस्ताङको घ्याकर खोलामा जलसतह बढेका कारण जोमसोम–कोरला सडक पूर्ण रूपमा रोकिएको छ। अहिले

क्याटेगोरी : समाचार