नेपाली श्रमिकहरूको मुख्य समस्या पासपोर्ट नवीकरणको रहेकोले त्यसको समाधान गर्न दूतावास लागी परेको छ :राजदुत पौडेल

दीप संञ्चार मंसीर २८, २०८१ गते १७:२१ मा प्रकाशित

दोहा-कतारका लागि नवनियुक्त राजदूत रमेश चन्द्र पौडेलले कतारमा रहेका नेपाली श्रमिकहरूको मुख्य समस्या पासपोर्ट नवीकरणको रहेकोले त्यसको समाधान गर्न दूतावास लागी परेको बताएका छन।

आफू कतार आएको २२ दिनमै गैरआवासिय नेपाली संघ, राष्ट्रिय समन्वय परिषद् कतारको २२औं स्थापना दिवसको अवसरमा बोल्दै राजदुत पौडेलले कतारमा रहेका मजदुरहरुलाई व्यवस्थित र छिटो छरितो रुपमा पासपोर्ट नवीकरण गर्ने बाताबरण बनाउन दूतावास लागि परेको बताएका हुन।

मजदुरहरुको मुख्य समस्याका रूपमा रहेको पासपोर्ट नवीकरणको लागि दूतावासमा पनि सिमित कर्मचारीको कारण समस्या रहेकोले कतारमा रहेका सबै सस्था सङ्ग पनी समन्वय गरेर चाँडै समस्या हल गर्ने बताए।

उनले भने “सिमितता हामी सँग पनि रहेछ,जस्को मिति नाघ्न लागेको छ उसलाई प्राथमिकता दिएर काम गर्नेछौं ”
कतार श्रमिकहरूको श्रम गर्ने थलो भएको हुँदा श्रमिकको हकहितको रक्षा गर्नु पहिलो दायित्व दुतावासको रहेको बताउँदै उनले नेपालको आर्थिक श्रमृद्धिको लागि वैदेशिक लगानी भित्र्याउन र दुई देशबीचको सम्बन्धलाई प्रगाढ बनाउनुपर्ने जिम्मेवारी कतारमा रहेका सबै नेपालीको रहेको बताएका छन।

कतारबाट राहदानी नवीकरणका लागि अनलाइन स्लट उपलब्ध नहुँदा कतारमा रहेका नेपाली श्रमिकहरूले लामो समयदेखि समस्या झेलिरहेका छन। राहदानी नभएर कतारी आईडी नबन्दा धेरै नेपालीले रोजगारी गुमाउनु परेकोले हरेक कार्यक्रममा सहभागीले दुतावासलाई समस्या समाधानको लागी अनुरोध गर्दे आएका छन ।

क्याटेगोरी : ग्लोबल, समाचार