सहकारी ठगीमा गृहमन्त्रीको संलग्नता ठहरिने थप अधार भेटिएको कांग्रेसको दाबी

नेपाली कांग्रेसले सहकारी ठगी प्रकरणमा गृहमन्त्री रवि लामिछानेको संग्लनता पुष्टि हुने थप तथ्य र प्रमाण भेटिएको दाबी गरेको छ ।

आज संसदीय दलको बैठकपछि प्रमुख सचेतक रमेश लेखकले सहकारीको रकम हिनामिना प्रकरणमा गृहमन्त्री लामिछानेको संलग्नता ठहरिने थप आधार फेला परेकाले संसदीय छानविन समिति गठन हुनुपर्ने आफूहरुको अडान कायमै रहेको बताए ।

‘सहकारीको रकम अपचलन, हिनामिना र ठगीमा गृहमन्त्री रवि लामिछानेको समेत संलग्नता भएको तथ्य र प्रमाण प्रशस्त छन्’, उनले भने, ‘सहकारीमा बचत जम्मा गरेका नागरिकको फिर्ता ग्यारेन्टी गर्ने, अपचलन गर्नेमाथि कारबाही गर्ने र गृहमन्त्रीको पनि संलग्नता देखिएकाले निष्पक्ष होस् भन्ने सुनिश्चितताका लागि संसदीय छानबिन समिति माग गरेका छौँ, त्यो आवश्यक छ भन्ने थप पुष्टि भएको छ ।;

लेखकले सहकारी ठगी प्रकरणमा गृहमन्त्री लामिछानेलाई जोगाउन राज्यको संयन्त्र दुरुपयोग भइरहेको आरोप पनि लगाएका छन् ।

काँग्रेसले गृहमन्त्रीमाथि छानविन गर्न संसदीय समिति गठन नभए संसद चल्न नदिने अडानसमेत कायमै राखेको छ ।

सम्बन्धित समाचार

गृहमन्त्री गुरुङले दिए राजीनामा

नेपाली जनसम्पर्क समिति कतारले आयोजना गरेको कार्यक्रममा ५२ जना द्वारा…

युएईमा संविधान दिवस तथा राष्ट्रिय दिवस मनाईयो

ग्लोबल युथ नेटवर्क बनाउदै जय नेपाल फाउन्डेसन