कांग्रेसले उपनिर्वाचनका उम्मेदवारको टुंगो आज लगाउदै

दीप संञ्चार चैत्र २२, २०८० गते ११:३९ मा प्रकाशित

काठमाडौं । प्रमुख प्रतिपक्षी दल नेपाली कांग्रेसले उपनिर्वाचनका उम्मेदवारको टुंगो आज लगाउने भएको छ । यसअघि उम्मेदवार तय गर्न बसेको नेपाली कांग्रेसको संसदीय बोर्डको बैठक मंगलबार र बुधबार अनिर्णित बनेको थियो ।

संस्थापन पक्ष र इतर पक्षबीच कुरा नमिल्दा उम्मेदवार छनोट हुन नसकेको हो ।

कांग्रेसमा भेषराज आचार्य र डम्बर खड्का इलाम-२ मा मुख्य प्रत्याशीका रूपमा देखिएका छन्। शेखर कोइराला नेतृत्वको संस्थापनइतर पक्षले आचार्यलाई टिकट दिनुपर्ने माग गरिरहेकोमा सभापति शेरबहादुर देउवा सहमत हुन सकेका छैनन्।

कांग्रेस संसदीय बोर्डको बैठक आज बिहान ९ बजेका लागि बोलाइएको छ। यसैगरि दिउँसो कार्यसम्पादन समितिको बैठक दिउँसो २ बजे बस्ने छ ।

उम्मेदवारको मनोनयन दर्ता शनिबार ९चैत २४० तोकिएको छ । एमाले, माओवादी, नेकपा एकीकृत समाजवादी र राष्ट्रिय स्वतन्त्र पार्टीले उम्मेदवार घोषणा गरी प्रचार प्रसारमा जुटिसकेका छन् । कांग्रेसले भने उम्मेदवार नै घोषणा गर्न सकेको छैन ।

क्याटेगोरी : राजनीति
ट्याग : #नेपाली कांग्रेस