अनुदानमा बिउ पाउदा किसान खुशी

दीप संञ्चार कात्तिक ७, २०७६ गते १८:१९ मा प्रकाशित

दाङ्ग, लमही नगरपालिकाको कृषि शाखाले कृषकहरुलाई अनुदानमा गहुँको बिउ वितरण गरेको छ ।

कृषकहरुलाई ५० प्रतिशत अनुदानमा गौतम, विजय, आदित्य र वाणगंगा चार जातको ५० क्विन्टल बिउ वितरण गरिएको लमही नगरपालिका कृषि शाखा प्रमुख अमर चौधरीले जानकारी दिएका छन् । नगरपालिकाको आर्थिक वर्ष २०७६-२०७७ स्वीकृत बार्षिक बालिविकास कार्यक्रमको एकटोल, एक बालि उत्पादन कार्यक्रम अन्तर्गत वितरण गरिएको हो । विहिवार आज लमही नगरपालिका उप–प्रमुख देबका बेल्वासेले कृषकहरुलाई हस्तान्तरण गरेकी हुन् ।

यस्तै लमही नगरपालिका कृषि शाखा प्रमुख अमर चौधरीका अनुसार अनुदानमा वितरण सुरु गरेको गहुँको बिउहरु लिनका लागि सबै वडा कार्यालयहरुमा सुचना मार्फत कृषकहरुलाई खवर पठाइएको बताएका छन् ।

किसानलाई व्यावसायिक उत्पादनमा प्रोत्साहन गर्न र कृषकहरुलाई खेतीमा आकर्षण गराउन लमही नगरपालिकाले विभिन्न कार्यक्रमहरु अगाडि सारेको लमही नगरपालिका उप प्रमुख देबका बेल्वासेले बताएकी छन् ।

क्याटेगोरी : समाचार, प्रदेश ५