वडाध्यक्षको लगानीमा सचेतना बोर्ड

दाङ्ग, जनप्रतिनिधिको सेवा सुबिधा कटौती भएको समाचार आईरहेका बेला दाङ्गको एक वडाका वडा अध्यक्षले आफ्नै लगानीमा बिद्यालय क्षेत्र नजिक सचेतना बोर्ड गाडेका छन् ।

उनि तत्कालिन माओबादीबाट गढवा गाउपालिका वडा न ५ बाट टिकट पाएका थिए र स्थानिय चुनाबमा निर्बा्चित पनि भए । गढवा गाउपालिका वडा न ५ का वडा अध्यक्ष प्रकाश भन्डारीको सक्रियतामा वडाको आधारभुत बिद्यालय कक्रहवामा २ वटा,दीप गङ्गा बोर्डिङ स्कुल बाकी चोकमा २, माबी चैनपुरमा २ र प्राथमिक बिद्यालय खज्रौटा चोकमा १ वटा सचेतना बोर्ड गाडिएको छ । वडा अध्यक्ष प्रकाश भन्डारीको ब्यक्तिगत ३० हजार बराबरको लगानीमा गाडिएको हो । बिद्यालय क्षेत्रमा सवारी साधनले मनपर्दी सवारी हाक्ने गरेको बताउदै बालबालिकाको सुरक्षाका लागि ती बोर्ड गाडिएको बताएका छन । भण्डारी जनप्रतिनिधि हुनु पूर्व पनि घाउघरमा सामाजिक कार्यमा धेरै सक्रिय रहेको त्यहाका स्थानीयले बताउछन ।

प्रदेश सरकारले तोकेको तलब भत्ता समेत नलिएर गाउपालिका मै उदाहरणको पात्र बनेका छन् । त्यस्तै उनले वडाकै एक बिपन्न परिवारकी दलित छात्राको समेत अभिभाबकत्व ग्रहण गरेर पठन पाठनको पनि जिम्मा लिएका छन् । गढवा गाउपालिकाको कार्यालयले वडा अध्यक्षहरुलाई एक एक वटा मोटर साईकल समेत वितरण गरेको थियो तर उनले लिन अस्विकार गरेका छन् । कार्यालयले तलब भत्ता मेरो खातामा हाल्दिएको हुन्छ त्यो रकम पनि सामाजिक काममै खर्च गरेको छु वडा अध्यक्ष भण्डारीले भने ।

सम्बन्धित समाचार

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत । 

एनआरएन अध्यक्ष श्रेष्ठ र एफएनसीसीआई अध्यक्ष ढकालबीच ‘एनआरएन इन्भेस्टमेन्ट समिटबारे…

ठकुरी सहयोग सञ्जाल, कतारले आफ्नो ११ औं वार्षिकोत्सव भव्य रूपमा…