बाह्र थान घप्पू सहित दुई पक्राउ

प्रिया स्मृती गजमेर असोज २८, २०७६ गते १४:४४ मा प्रकाशित

दाङ्ग, देउखुरीको एक सामुदायिक बनबाट चिरान १२ थान सालका घप्पू सहित टेक्टर र दुई जनालाई प्रहरीले नियन्त्रणमा लिएको छ । गढवा गाउपालिका वडा नम्बर ४ अजगढ़वाका राम बचन चौधरी र टेक्टर चालक युसुफ मनिहारलाई काठ सहित प्रहरीले नियन्त्रणमा लिएको हो । गढवा गाउपालिका वडा न ५ सोनपुरबाट लु २ त् ४२३२ न को टेक्टरमा राखेर १४.२ क्युफिट चिरान सालको घप्पू आफ्नो घर तर्फ लैजादै गरेको अबस्थामा इलाका प्रहरी कार्यालय गढवाको टोलीले पक्राउ गरि सब डिभिजन बन कार्यालय गोबरडिहालाई बुझाएको छ ।

पक्राउ परेकालाई अनुसन्धान गरि बन ऐन अन्तर्गत कारबाही गरिने डिभिजन बन कार्यालय देउखुरीका प्रमुख शंकर प्रसाद गुप्ताले बताए । काठ कुन बनबाट ल्याएको हो अझै प्रस्ट भएको छैन हामी दुवै जना माथि अनुसन्धान गरिरहेका छौ डिभिजन बन कार्यालय देउखुरीका सहायक बन अधिकृत देबी प्रसाद चौधरी भने । पछिल्लो समय यता देउखुरीको राप्ती पारीको जंगलमा काठ चोरीका घटना बढिरहेका छन् ।

क्याटेगोरी : समाचार, प्रदेश ५