चार घण्टा पछि दुबै चालकको उद्घार

प्रिया स्मृती गजमेर असोज १८, २०७६ गते ८:०५ मा प्रकाशित

दाङ, देउखुरीमा आज शनिबार बिहान पौने तिन बजे दुर्घटना भएको छ । पूर्व बाट पश्चिम तर्फ आउदै गरेको ना १ ख ४७९३ नम्बरको ट्रक र पश्चिमा देखि पूर्व जादै गरेको बा ५ ख ५२८३ नम्बरको यात्रु बस राप्ती गाउपालिका २ बराहखुट्टी स्थित एक आपसमा ठोकिएर दुर्घटना भएको हो ।

दुर्घटना हुदा बस र ट्रक चालक गम्भीर घाइते भएका छन् । बसका चालक कैलाली घोडा घोडी १ सुक्खड निवासी बर्ष २२ का अरुण चौधरीको अहिले बिहान ५ बजे उद्घार गरेर उपचारका लागि जिल्ला बाहिर रिफर गरिएको इलाका प्रहरी कार्यालय भालुबांगले जनाएको छ । दुर्घटनामा घाइते हुनेमा कैलाली गौरिगंगा नपा १० बस्ने बर्ष १९ कि तिप्रा चौधरी घोडाघोडी नपा १ बस्ने बर्ष १७ कि माया कुमारी उपाध्याय रहेका छन् । दुर्घटनामा सामान्य घाइते भएका हरुको सामान्य उपचार पछि डिस्चार्ज भैसकेको दाङ्ग प्रहरीले बताएको छ । ट्रक चालकको अझै पहिचान खुल्न सकेको छैन।