निर्वाचन आयोगले तोक्यो अस्थायी मतदाताका लागि मतदान केन्द्र

दीप संञ्चार कात्तिक २५, २०७९ गते ११:११ मा प्रकाशित

अस्थायी मतदाताका लागि निर्वाचन आयोगले ७७ वटै जिल्लामा १४१ मतदान केन्द्र निर्धारण गरेको छ।

मंसीर ४ गते हुने निर्वाचनका लागि अस्थायी मतदान केन्द्र स्विकृत गरिएको आयोगका सहायक प्रवक्ता ऋषिराम भुसालद्वारा जारी विज्ञप्तिमा उल्लेख गरिएको छ ।

अस्थायी मतदाता नामावलीमा नाम भएका तर मतदान केन्द्रमा नखटिने कर्मचारी र सुरक्षाकर्मी, वृद्धाश्रममा रहेका व्यक्ति, निर्वाचन कसूरमा सजाय पाएका बाहेकका कारागारमा रहेका कैदी र बन्दी लगायतका व्यक्तिले प्रतिनिधि सभाको समानुपातिक निर्वाचन प्रणालीतर्फ मतदान गर्ने गरी केन्द्र तोकिएको आयोगले जनाएको छ।