दोस्रो चरणको मतदान साढे ३ बजेदेखि

दीप संञ्चार मंसीर २८, २०७८ गते १०:५८ मा प्रकाशित

काठमाडौँ

काँग्रेस सभापति चयनका लागि दोस्रो चरणको मतदान आजै साढे ३ बजेदेखि सुरु हुने छ । सोमबार मतदान भएका तीन स्थानमा नै आज पनि मतदान हुने भएको हो। पहिलो चरणको चुनाव नतिजा विहीन बनेपछि दोस्रो चरणमा मतदान हुन लागेको हो ।

नेपाली कांग्रेसको सभापति चयनका लागि पुनस् मतदान हुने भएको छ । पहिलो चरणमा कुनै पनि उम्मेदवारले बहुमत ल्याउन नसकेपछि दोस्रो चरणको मतदान हुने भएको हो ।

कांग्रेस निर्वाचन समितिले कांग्रेस सभापति निर्वाचनका लागि आजै दोस्रो चरणको मतदान गर्ने तयारी गरेको छ । समितिको बैठक केहिबेरमा बसेर निर्णय गर्ने एक सदस्यले जानकारी दिए ।

ती सदस्यका अनुसार आजै दोस्रो चरणको निर्वाचन हुनेछ । दोस्रो चरणमा धेरै मत ल्याउने शेरबहादुर देउवा र शेखर कोइरालाबीच प्रतिस्पर्धा हुनेछ ।

क्याटेगोरी : राजनीति