कर्णालीको मुख्यमन्त्रीमा जीवनबहादुर शाही

सुर्खेत – कर्णाली प्रदेशको नयाँ मुख्यमन्त्रीमा नेपाली कांग्रेसका जीवनबहादुर शाही नियुक्त भएका छन् ।

गठबन्धन दलबीच तर्फबाट आलोपालो सरकार चलाउने सम्झौता बमोजिम काँग्रेसका शाही मुख्यमन्त्री बनेका हुन् । शाहीलाई मंगलबार साँझ प्रदेश प्रमुख गोविन्दप्रसाद कलौनीले मुख्यमन्त्रीमा नियुक्त गरेका हुन् ।

शाही नेकपा माओवादी केन्द्र, नेकपा (एकीकृत समाजवादी)को समर्थनमा प्रदेश प्रमुखले मुख्यमन्त्रीमा नियुक्त गरेका हुन् । मुख्यमन्त्री पदका लागि नेपालको संविधान २०७२ को धारा १६८ (२) अनुसार शाहीले गठबन्धनका तीन दलका २० सांसदहरुको हस्ताक्षरसहित मुख्यमन्त्रीमा दाबी पेस गरेका थिए ।

यसअघि मुख्यमन्त्रीमा नेकपा (माओवादी केन्द्र) महेन्द्रबहादुर शाही रहेका थिए । उनले गठबन्धन दलहरुबीचको सम्झौता बमोजिम सोमबार राजीनामा दिएका थिए ।

सम्बन्धित समाचार

गृहमन्त्री गुरुङले दिए राजीनामा

प्रवासी भुजेल समाज कतारको आठाै महाधिवेशन सप्पन्न

एनआरएनएको उच्चस्तरीय मेलमिलाप समितिमा चार सदस्य थप

कतार आइपुगे पूर्व परराष्ट्र मन्त्री महत ।