सिभिल बैंक अब दाङको लमहिमा पनि

प्रिया स्मृती गजमेर असार २६, २०७६ गते १४:२९ मा प्रकाशित

दाङ, दाङको लमहीमा सिभिल बैंक लिमिटेडको शाखा स्थापना भएको छ । ९४ औँ शाखाको रुपमा स्थापना भएको यो शाखाको उद्घाटन लमही नगरपालिकाका प्रमुख कुलबहादुर केसीले गरेका हुन् । बैंकको उद्घाटन गर्दै नगर प्रमुख केसीले सेवाग्राहीको मन जितेर सेवा प्रबाह गर्न आग्रह गरेका छन् ।

साथै बैंक संचालकलाई मुस्कान सहितको सेवा दिनु पर्ने बताए । उद्घाटन कार्यक्रममा नगर प्रमुख केसीले बैंकले कृषि व्यवसायलाई पनि ध्यान दिएर लगानी गर्नु पर्ने बताए । समृद्धिको लागि बैंकको नारा अनुसार साना तथा मझौला व्यवसायलाई लक्षित गरेर कर्जा उपलब्ध गराउने कार्यक्रम बैंकले अघि सारेको छ ।

प्रदेश ५ का बैंकका प्रमुख किरण धमलाको अध्यक्षता तथा लमही नगरपालिकाका प्रमुख कुलबहादुर केसीको प्रमुख आतिथ्यामा कार्यक्रम सम्पन्न भएको थियो । दाङको लमहीमा बाणिज्य र विकास बैंकगरि १७ ओटा शाखा स्थापना भैसकेको छ ।

उद्घाटन कार्यक्रममा सिभिल बैंक लिमिडेट प्रदेश नं. ५ का प्रमुख किरण धमला, पत्रकार राधेश्याम गुप्ता लगाएतले सुभ कामना मन्तब्य व्यक्त गरेका थिए । सिभिल बैंक लमही शाखा प्रबन्धक सौरभ न्यौपानेको स्वागत मन्तब्यबाट सुरु भएको कार्यक्रमको सहजिकरण बैंकका सौरभ रानाले गरेका थिए ।

क्याटेगोरी : प्रदेश खबर, प्रदेश ५