देउवाको पहलमा डडेल्धुरा अस्पतालमा अक्सीजन प्लान्ट जडान हुँदै

डडेल्धुरा । पूर्वप्रधानमन्त्री एवम् नेपाली कांग्रेसका सभापति शेर बहादुर देउवाको विशेष पहलमा डडेल्धुरा अस्पतालमा अक्सीजन प्लान्ट जडान हुने भएको छ। सभापति देउवाको गृहजिल्ला समेत रहेको डडेल्धुरामा अक्सीजन प्लान्ट जडानका लागि स्वास्थ्य मन्त्रालयले बजेट विनियोजन गरेको हो ।

डडेल्धुरा अस्पतालमा अक्सिजन प्लान्ट जडान हुने भएपछि डडेल्धुरा सहित सुदूरपश्चिम प्रदेशका पहाडी जिल्लाका नागरिकहरु हर्षित बनेका छन् ।

जिल्ला स्वास्थ्य समितिको आग्रहपछि देउवाले विशेष पहलकदमी लिँदै स्वास्थ्य मन्त्रालयलाई बैशाख ३० गते ज्ञापनपत्रसहित अक्सिजन प्लान्ट जडानका लागि बजेट विनियोजनका लागि कुरा भएको देउवाका स्वकीय सचिव भानु देउवाले जानकारी दिए । सभापति देउवाको अनुरोध पछि मन्त्रालयले अक्सिजन प्लान्ट जडानका लागि रकम विनियोजन गरेको भानुको भनाई छ ।

देउवाले अक्सिजन प्लान्टका लागि बजेट विनियोजन भएकोमा अर्थ मन्त्रालयलाई धन्यवाद दिएको स्वकिय सचिव देउवाले बताए । मन्त्रालयले डडेल्धुरा अस्पताल, भेरी अस्पताल, पाटन अस्पतालमा अक्सिजन प्लान्ट जडानका लागि ५ करोड ८३ लाख २४ हजार बराबर रकम विनियोजन गरेको छ ।

सभापती देउवाले सातवटै प्रदेश र विकट जिल्लाहरुमामा यथासिघ्र अक्सिजन प्लान्ट, आईसियु बेड, लगायत स्वास्थ्य सामग्रीको व्यवस्था गरी जनताको जीवनरक्षाका लागि गम्भीर बन्न सरकारलाई आग्रह पनि गरेका छन् ।

सम्बन्धित समाचार

कतारमा ११५ औँ अन्तर्राष्ट्रिय नारी दिवसको अवसरमा विभिन्न कार्यक्रम सप्पन्न

तारले रुखमा बाँधेर ज्यूँदै जलाएको अवस्थामा काभ्रेमा भेटियो  पुरुषको शव

डीएसपी ठग बहादुर केसी भ्रष्टाचारको मुद्दामा दोषी ठहर

पर्वतमा एक दम्पतिको विभत्स हत्या