नेपाल बिद्यार्थी संघ लमहीको आयोजनामा रक्तदान कार्यक्रम

प्रिया स्मृती गजमेर वैशाख ६, २०७८ गते २०:३९ मा प्रकाशित

दाङ्ग– नेपाल बिद्यार्थी संघ लमही नगर समितिको आयोजनामा सोमवार लमहीमा रक्तदान कार्यक्रम सम्पन्न भएको छ। लमही नगर समितिका सभापति कौशल अधिकारीको सभापतित्व तथा नेपाल विद्यार्थी संघका निवर्तमान उपाध्यक्ष पवन कुमार यादवको प्रमुख आतिथ्यतामा रक्तदान कार्यक्रम भएको हो।

जिल्लामा रगतको अभाव हुन नदिन रक्तदान कार्यक्रमको आयोजना गरेको सभापति अधिकारीको भनाई छ। साथै विश्वभर फैलिएको कोरोनालाई मध्यनजर गरि सचेत र सजग रहन समेत नेपाल बिद्यार्थी संघ लमही नगर समितिले सबैलाई आग्रह गरेको छ।

त्यस्तै रगतको अभावमा छटपटाई रहेका विरामीलाई अकालमा ज्यान गुमाउन नपरोस, यदि त्यस्तो समस्या आईपरे नेपाल बिद्यार्थी संघ सदैब सहयोगका लागि तत्पर रहेको नेपाल विद्यार्थी संघका निवर्तमान उपाध्यक्ष पवन कुमार यादवले बताए।

नेपाल बिद्यार्थी संघ लमही नगर समितिको आयोजनामा भएको रक्तदान कार्यक्रममा करिब वीस जनाले रक्तदान गरेका थिए।